கணவனின் கண் முன்னே மனைவி பாலியல் வன்புணர்வு ! யாழ்ப்பாணத்தில் தொடரும் அட்டூழியங்கள்

0

அண்மைக்காலமாக யாழ்ப்பாணத்தில் அட்டூழியங்களும் அசம்பாவிதங்களும் மிகவும் அதிகரித்து வருகின்றது .ஒவ்வொரு நாளும் கொலை கொள்ளை பாலியல் வன்புணர்வு என ஏதாவது ஒரு சம்பவம் இடம்பெற்று வருகின்றது .கணவன் கண் முன்னே 59 வயதுடைய மனைவி பாலியல் வன்புணர்விற்கு உட்படுத்தப்பட்ட மனதை உலுக்கும் சம்பவம் நேற்று அதிகாலை இடம்பெற்றுள்ளது .

யாழ்ப்பாணம் வட்டுக்கோட்டையில் உள்ள சங்கரத்தை பகுதியில் உள்ள வீடு ஒன்றில் அதிகாலை ஒரு மணியளவில் அடாவடியாக உள்நுழைந்த இரண்டு திருடர்கள் இந்த கொடூரத்தை புரிந்துள்ளார்கள் .

குறித்த வீட்டினில் கணவனும் மனைவியும் மட்டுமே வசித்து வருகின்றார்கள் .வீட்டினுள் நுழைந்த திருடர்கள் கணவனை கடுமையாக தாக்கியத்துடன் அவரது வாயில் துணியை அடைந்து கைகளை கட்டி கதிரையுடன் சேர்த்து கட்டி வைத்துள்ளார்கள் .அதன் பிறகு மனைவியை தாக்கியதுடன் வீட்டில் இருந்த இருபது பவுண் நகைகள் மற்றும் ஒரு தொகை பணத்தினை கொள்ளையடித்தனர் .

நகைகளை பறித்த பின்னர் மனைவியின் வாயில் துணியை அடைந்து விட்டு கொடூரமான முறையில் வன்புணர்வு செய்துள்ளார்கள் .அதுமட்டுமல்லாது மனைவியின் உடல் உறுப்புகளை கத்தியால் வெட்டி காயப்படுத்தி விட்டு தப்பித்து சென்றுள்ளார்கள்.திருடர்கள் தாக்கியதில் மனைவியின் வாய் மற்றும் தலையில் பலத்த காயம் ஏற்பட்டுள்ளது .இந்த சம்பவம் யாழ்ப்பாணத்தை அதிர வைத்துள்ளது .

யாழ்ப்பாணத்தில் அதிகரித்து வரும் கொலை கொள்ளை வன்புணர்வு மற்றும் சிறுவர் துஷ்பிரயோக சம்பவங்கள் யாழ்ப்பாணத்தில் பதற்றத்தை ஏற்படுத்தியுள்ளதுடன் மக்களை அச்சத்துக்கு உள்ளாக்கியுள்ளது. வீட்டில் கணவனுடன் இருந்த போதே இவ்வாறான ஒரு சம்பவம் ஒரு பெண்ணுக்கு ஏற்பட்டுள்ள நிலையில் தனியாக வசிக்கும் , கணவனை இழந்த பெண் தலைமைத்துவ குடும்பங்களின் பாதுகாப்பு கேள்விக்குறியாகியுளளது .

பிரபாகரன் என்னும் ஒற்றை சொல்லுக்கு பயந்து அடியோடு புதைந்து போயிருந்த கொலை கொள்ளை வன்புணர்வு , சிறுவர் துஷ்பிரயோகம் ,அடிதடி , அடாவடி மற்றும் அக்கிரமங்கள் மீண்டும் முளையெடுத்துள்ளன. இவற்றை முளையில் கிள்ளி எறிய தலைவர் பிரபாகரன் அவர்களால் மட்டுமே முடியும் என்று மக்கள் தெரிவித்துள்ளனர் .

விடுதலைப்புலிகளை பயங்கரவாதிகள் என்று சித்தரித்து உலக நாடுகளில் போலியான பிரச்சாரத்தினை மேற்கொண்டு உலக நாடுகளின் உதவியை முழுமையாக பெற்று விடுதலை புலிகளை அழித்து சிறந்த இராணுவம் என்னும் பெயரினை பெற்றுள்ள இலங்கை இராணுவம் மற்றும் பொலிஸாரினால் யாழ்ப்பாணத்தில் இடம்பெறும் அடாவடிகளை இல்லாது ஒழிக்க முடியாதா என்று மக்கள் கேள்வியெழுப்பியுள்ளனர்.

Leave A Reply

Your email address will not be published.