விவாகரத்து பெற்ற 160 கணவன்மார் கூட்டாக சேர்ந்து மனைவியருக்கு இறுதிச் சடங்கு செய்த வினோத சம்பவம் !

0

 

விவாகரத்தான மனைவியருக்கு கூட்டாக இறுதிச் சடங்கு செய்த வினோத சம்பவமொன்று இந்தியாவில் இடம்பெற்றுள்ளது.விவாகரத்து செய்யப்பட்ட மனைவிகளுக்கு 160 கணவர்கள் ஒன்று கூடி இறுதிச் சடங்கு செய்த சம்பவம் வாரணாசியில் அதிர்ச்சியை ஏற்படுத்தியுள்ளது.

கணவர்களை கொடுமைப்படுத்தும் மனைவிகள் மீது நடவடிக்கை எடுக்க தனி ஆணையம் அமைக்க வேண்டும் என்றுகடந்த ஆகஸ்ட் 3ஆம் தேதி பாஜக எம்.பி ஹரிநாராயண் ராஜ்பர் நாடாளுமன்றத்தில் கோரிக்கை வைத்து இருந்தார்.

ஆனால் இன்னும் கணவர்களுக்கு என்று எந்த ஆணையமும் அமைக்கப்படவில்லை. இந்த நிலையில், சேவ் இந்தியா பெமிலி பவுன்டேசன் (Save India Family Foundation) என்ற தொண்டு நிறுவனம் சார்பில் 160 கணவர்கள் ஒன்று கூடி கங்கை நதிக்கரையில் தங்களைவிவாகரத்து செய்த மனைவிகளுக்கு இறுதிச்சடங்கு நடத்தினர்.

இது தொடர்பாக குறி;த்த தொண்டு நிறுவனத்தின் நிறுவனர் ராஜேஷ் வாக்கரியா கூறுகையில் எங்களது மனைவிகளிடம் இருந்து மனரீதியான உறவை துண்டித்துக் கொள்ள நினைத்ததால் இந்த சடங்கை செய்திருக்கிறோம்.

இந்த சமுதாயம் பெண்களுக்கு பிரச்சனை ஏற்பட்டால் மட்டும் அதை தீர்க்க சட்டங்களை வைத்திருக்கிறது. ஆனால் ஆண்களை காப்பாற்ற எந்த தனி சட்டமும் இல்லை.

மேலும் பெண்கள் செய்யும் கொடுமையால் 6.5 நிமிடங்களுக்கு ஒரு ஆண் தற்கொலை செய்கிறான். ஆனால் தேசியக் குற்ற ஆவணக் காப்பகத்தின் அறிக்கையின்படி ஆண்களும் , பெண்களும் திருமணத்திற்கு பிறகே அதிகம் தற்கொலை செய்து கொள்கின்றனர் என்பது தெரிய வந்துள்ளது.

மன அழுத்தத்தால் தற்கொலை செய்துகொள்ளும் ஆண்கள்தான் அதிகம் . இது தொடர்பாக கணவர்களுக்கான தனி கமிஷனை அமைக்க வேண்டும் என்று பிரதமர் நரேந்திர மோடியிடம் கோரிக்கை வைக்க உள்ளோம் என்றார்.

Leave A Reply

Your email address will not be published.